اول حاجة للتحويل تتأكد من المدرسة اللي انت عاوز تنقل ليها ان فيها مكان
وتاخد الكلام من مدير او مديرة المدرسة
ليه لاني روحت إلادارة التعليمة اللي عاوز انقل ليها في التجريبي
وقالتلي ان فيه مكان وبعد ما خلصت الورق مديرة المدرسة قالت مفيش مكان
المهم بعض الإدارات التعليمية شغالة بنظام التنسيق والبعض الاخر تحويل مباشر
يعني انا من روض الفرج
حاولت مع ادارة شبرا التعليمية
وإدارة روض الفرج
وإدارة الساحل
الوحيدة إدارة الساحل شغالة بنظام التنسيق تديها الورق الورق وتكتب المدارس اللي عاوزها وانت ونصيبك
لكن بقية الادارات بيقولك علطول اذا كان فيها مكان ولالا
طيب ايه الورق اللي بيحتاجوه ولازم يكون معاك
بالنسبة للتنسيق
اخدت مني شهادة الميلاد بتاعت البنت وصورتها
واخدت بيان نجاح الكتروني لسنة تانية ابتدائي ودا بتجيبه من المدرسة
وبقية الاوراق اللي بتجيبها من المدرسة هي
١ بيان نجاح تانية ابتدائي الكتروني
٢ تدرج واثبات قيد لكجي ١ و٢ و١ ابتدائي و٢ ابتدائي
٣ محتاجين ٤ ورقات تحويل
واديني قدمت ومنتظر التنسيق بتاع إدارة الساحل
لاني عاوز احول لبنتي وكاتب في التنسيق حافظ ابراهيم
لو مجتش هحولها علي سويت هوم
وبالنسبة لمدرسة سويت هوم البنت لازم تمتحن الاول في الحاجات اللي اخدتها في السنين اللي فاتت في ٣ مواد هما عربي و انجليزي وماث
لما اكمل بقية الورق هكتب اللي حصل منتظر بعد اجازة عيد الاضحي
قالولي نتيجة التنسيق هتظهر الخميس اللي فات اللي هو ١٦/8
ولكن لما روحت قالو بعد العيد
ربنا ييسر الحال
دمتم بود
إرسال تعليق