تعدين عملات رقمية بدون كروت أو أجهزة

تعدين عملات رقمية بدون كروت أو أجهزة

كتير ممنا علشان يعدن معتقدين انك لازم يبقي عندك كروت بمبالغ كبيرة جدا 

أو أجهزة ميننج بمبالغ أكبر علشان تعدن 


في طرق كتير للتعدين ودا اللي هيتحولها العملات في الفترة الجاية حفاظاً علي الطاقة.
البتكوين وبقية العملات الرقمية بتاخد طاقة كهربية كبيرة جدا 

علشان عمليات البلوكشين تتم

كمثال عملة الأثريوم 

كانو قايلين من فترة كبيرة أنها هيتحول النظام بتاعها 

لنظام POS

فيه طرق تانية لكسب المال في سوق العملات المشفرة 

أو فيه ناس بتسميها تعدين

زي الماستر نود  MasterNode أختصارها MN
أو POS ودي أختصاراً ل Prof Of Stake

هنشرح الأتنين واحدة واحدة وأي سؤال معاكم بإذن الله
الماستر نود دا بأختصار جدا بدون الدخول في المعقدات التقنية
انت بتساعد الشبكة علي الإنتشار وتسريع عملية التحويل 

بإنك بتخزن جزء من العملة دي علي المحفظة الخاصة بتاعتك 

وبتنزل البلوكشين بتاعها كامل علي جهازك وتشيل كمية معينة 

من العملة علي المحفظة بتاعت العملة اللي انت أخترت تعملها ماسترنود

وتسيب الجهاز شغال 24/7/365 أونلاين ولازم يكون بأيبي ثابت

يعني تتصل بشركة تي داتا وتقولهم عاوز أيبي ثابت لجهازي ب 10ج في الشهر

ولما تعمل كدا هتاخد نسبة من وجود المحفظة أونلاين ومساعدة الشبكة علي الكلام دا 

ودا بأختصار كأنك بتساعد البنية التحتية للشبكة 

كمثال المصرية للأتصالات تفتح سنترال في منطقة جديدة دا بيساعد 

في التوسع في شبكة التليفون والإنترنت

طيب واحد هيجي يسأل طيب أنا دلوقتي النور بيقطع عندي كتيرأعمل أيه ؟

الموضوع بسيط عندك حلين الأول :

انك تأجر سيرفر VPS وتعمل عليه الكلام دا وهو هيبقي أونلاين علطول 

بس طبعا هيبقي حل مكلف شوية لان هتدفع تكلفة شهرية لشركة ال VPS

بس تختار شركة عدلة علشان متسرقش الفلوس اللي في محفظتك :)

الحل التاني :

أنك هتسيب جهازك علي كدا والفترة اللي هيبقي فيه أونلاين هتاخد عليها فلوس 

طيب واحد تاني هيجي يسأل طيب يعم الحج مفيش الكلام دا وانت بتشتغلنا 

لان أنتوا عارفين الناس بتحب تهري كتير فمبقاش حد مصدق حد اليومين دول

هقولك أن أكبر عملة شغالة علي الموضوع دا عملة 

الداش كوين ودي عملة غنية عن التعريف

طيب واحد تاني هيسأل طيب الموضوع دا ممكن يكلفني قد أيه 

هقولك هيكون الكلام دا حسب العملة اللي هتختارها علشان تعملها الماسترنود

كمال مثلا العملة دي SmartCash  

تكلفة المستر نود بتاعها دلوقتي  450$

ودا هيعملك دخل يومي حوالي 2$

ودا رابط معلومات عنها 
https://masternodes.online/currencies/SMART/

بس طبعا الموضوع مش ثابت لان صعود ونزول سعر العملة وثبات الجهاز بتاعك أونلاين وحاجات تانية كتير بتخلي الموضوع فوق أو تحت

علشان محدش يقول الموضوع فيه شبه أنظمة ربوية كأنك لما بتأجر شقة بتاعتك وبيجيلك منها إيجار شهري وانت شاريها بمبلغ وقدره

(((( للعلم بردوا الدنيا مش حلوة قوي فيه عملات تفرح انها تعمل دخل حلو 

وهوب تلاقي تمنها بقي 0  )))))

------:( كل حاجة فيها مخاطرة ومكسب وخسارة ):--------

شوية معلومات ومواقع بقي تفيدك في الكلام دا 

لو دخلت علي الموقع دا 

https://masternodes.online/

أو دا 

https://masternodes.pro/statistics

هتلاقي فيه كل المعلومات اللي انت عاوز تعرفها عن العملات اللي شغالة ماستر نود

سعر العملة 

الكمية اللي محتاج تشيلها قد أيه 

أحتمال الربح من العملة دي لو عملت منها ماستر نود قد ايه 

وخلافه من باقي البيانات زي مواقع حاسبات التعدين

لو الموضوع عجبكم هبقي أشرحه بالتفصيل 

وأشرح بقية الأنظمة الأخري ومنها POS

دمتم بخير 

أخوكم نور الدين