حل مشكلة تعريف كارت توينهان 1025 Twinhan Driver

بسم الله الرحمن الرحيم 

==============

هنا بشرح حل مشاكل الكارت مع التعريفات ومع تشغيله 

لان الصراحة ملقتش أي حد فكر يكتب حل للمشكلة

فقولت أفيد الناس

دا الكارت 

دا شكل العلبة بتاعتة

 

 

 

ودا شكل الكارت

 

ودا شكل الريموت والوصلة بتاعته 

المشكلة أن الكارت دا موديلة قديم جدا 

وكان معمولة لويندوز XP وكمان النسخة 32 بت 

طبعا أغلبيتنا حدث الجهاز بتاعه

لكن ما زال معانا الكارت 

لو انت لسة معاك جهازك اللي كنت مشغل الكارت عليه زمان بويندوز XP 

معتقدش هتقابللك مشكلة غير انك ممكن تحتاج التعريف بتاع ويندوز XP لان طبعا أكيد الأسطوانة ضاعت منك 

مش دي المشكلة 

دا أيزو لنسخة الأسطوانة دي علشان تقدر تعرفها علي جهازك القديم 

دا لينك الأسطوانة بواسطة سيرفر 4Shared

من هنا

دا لينك الأسطوانة بواسطة سيرفرMediafire

من هنا 

ودا لينك لبرنامج باور ايزو علشان تقدر تفتح بيه الأسطوانة 

سيرفر 4Shared

من هنا 

سيرفر Mediafire

من هنا

طيب 

لو حدثت جهازك زيي هتقابلك كذا مشكلة وأولها 

انك طبعا بطلت تستخدم ويندوز XP وبتستخدم حالياً ويندوز 7

هتقابلك مشكلة تعريف الكارت علي الويندوز 7 

وخصوصاً لان الناس كلها منزله ويندوز 7 64 بيت 

المهم المشكلة الأولي 

انك تعرف الكارت لان رابط الأسطوانة اللي فوق مش هيعرفلك الكارت 

دا بقي رابط اسطوانة تانية هيعرفلك الكارت 

دا لينك الأسطوانة بواسطة سيرفر 4Shared

من هنا

دا لينك الأسطوانة بواسطة سيرفرMediafire

من هنا  

ودا لينك لبرنامج وين رار علشان تقدر 

تفك ضغط البرنامج بيه 

من هنا 

في حالة ان انت جهازك الحديث دا بقي راماته أقل من 4 جيجا 

فمفيش مشكلة عندك كدا والكارت هيشتغل تمام علي البرنامج بتاعه 

مجرد بس تعرف وتنزل الكارت وتشغله 

بالبرنامج بتاعه نزل بس الترددات الجديدة وهيشتغل معاك 

طيب لو راماتك أكثر من 4 جيجا 

كدا هتقابلك المشكلة التانية وهي الكارت مش هيشتغل معاك 

ومش هيجيب قنوات 

ولو جاب مش هيشغلها

في الحالة دي قدامك حلين 

الحل الأول 

انك تشيل رامات من جهازك وتقلل رامات 

الجهاز علشان تقدر تشغل الكارت 

الحل التاني 

انك تقلل رامات الجهاز من الويندوز وقت ما تحب تشغل الكارت 

وترجعها وقت ما تكون مش محتاج الكارت والعملية سهلة 

هتفتح قائمة ستارت  

وفي خانة البحث

هتكتب

 MSCONFIG

بعد كدا هتفتح قائمة Boot

 وبعدا كدا تضغط علي advanced options

من فوق علي اليمين هتلاقي خانة تعمل فيها علامة صح

جنبها مكتوب Maximum Memory

واكتب في الخانة اللي تحتها 3500

بحيث تبقي الرامات أقل من من 4 جيجا 

ودوس اوك لغاية ما تقفل الشاشات كلها

هتجيلك رسالة انك تعمل ريستارت 

اعمل الريستارت الرامات هتقل وهتلاقي الكارت اشتغل معاك 

وقت ما تكون مش محتاج الكارت رجع الرامات زي ما كانت 

بس كدا 

لو فيه أي استفسار 

اكتبلي في كومنت وتحت أمرك في أي وقت 

بالتوفيق